வ குவாட்டர் கட்டிங் - முன்னோட்டம்

தமிழ்ப்படம் என்ற படத்தின் மூலம் ஒட்டுமொத்த திரையுலகையே கிண்டலடித்து கல்லா கட்டிய தயாரிப்பாளர் தயாநிதி அழகிரியின் அடுத்த படம் வ குவாட்டர் கட்டிங்.

தமிழ் அகராதிப்படி வ என்றால், ஒன்றின் கீழ் நான்கு என்று அர்த்தமாம், அதாவது கால் பங்கு என்று பொருள்.

இதை ஆங்கிலத்தில் சொன்னால் குவார்ட்டர் தானே, அதான் இந்த படத்திற்கு வ என்று தலைப்பு வைத்துவிட்டோம், என்கிறார்கள் படத்தின் டைரக்டர்களான புஷ்கர் - காயத்ரி தம்பதியர்.

படத்தின் தலைப்பு வ மட்டும்தான் என்று சொல்லும் டைரக்டர்கள், குவார்ட்டர் கட்டிங் என்பது சப்-டைட்டில்தான் என்று வரிவிலக்கிற்கு வில்லங்கம் வராத அளவுக்கு விளக்கம் கொடுத்துள்ளார் தயாரிப்பாளர் தயாநிதி அழகிரி.

நாயகனாக தமிழ்ப்படம் சிவாவும், நாயகியாக லேகா வாஷிங்டனும் நடித்துள்ளனர். ஜி.வி.பிரகாஷ் இசையமைத்துள்ளார்.